မမျှတတဲ့အစားအသောက်တွေကယနေ့ခေတ်မှာဆေးရွက်ကြီးထက်တောင်လူကိုပိုသတ်နိုင်ပါတယ်။သိပ္ပံပညာရှင်တွေကအရေးကြီးတဲ့အာဟာရဓာတ်မပြည့်ဝခြင်းကသင့်ကျန်းမာရေးကိုဒုက္ခပေးနိုင်တယ်လို့တွေ့ရှိခဲ့ပါတယ်။ဒါပေမယ့်အစားအသောက်ထဲမှာအကျိုးရှိတာတွေပါတယ်လို့ခေါ်ကြတဲ့အရာတွေကလဲကိုယ်ကိုပျက်စီးစေနိုင်ပါတယ်။အဲဒီထဲမှာပုံမှန်အအေးတွေနဲ့ယှဉ်ရင်ကျန်းမာတယ်လို့ထင်ရတဲ့လတ်ဆတ်တဲ့အသီးဖျော်ရည်တွေကဆီးချိုဖြစ်ဖို့ပိုနီးတာတွေလဲရှိပါတယ်။ BrightSideကဘယ်အစားအသောက်တွေကဆေးလိပ်သောက်ခြင်းလိုပဲလူကိုတဖြည်းဖြည်းသတ်လဲဆိုတာရှာဖို့ဆုံးဖြတ်လိုက်ပါတယ်။ ၁။လတ်ဆတ်တဲ့အသီးဖျော်ရည် သစ်သီးတွေကိုအာဟာရအတွက်ကောင်းတယ်လို့သတ်မှတိကြတဲ့အတွက်လတ်ဆတ်တဲ့ဖျော်ရည်ကိုနေ့စဉ်အစားအစာထဲမှာထည့်တာအလွယ်ဆုံးပါပဲ။ဒါပေမယ့်အရည်ပုံစံလုပ်လိုက်တဲ့အခါမှာအဝလွန်ခြင်း၊နှလုံးရောဂါနဲ့ဆီးချိုရောဂါကိုတားဆီးပေးတဲ့နေရာမှာအသုံးဝင်တဲ့အမျှင်ဓာတ်စတဲ့ကျန်းမာစေတဲ့အရာကိုဆုံးရှံူးသွားစေပါတယ်။ ထပ်ပြောရရင်အသီးဖျော်ရည်အလွန်သောက်ခြင်းကသူတို့မှာပါတဲ့သကြားပမာဏအလွန်များတဲ့အတွက်ကျန်းမာရေးပြဿနာတွေကိုတကယ်ဖြစ်စေပါတယ်။တကယ်တော့အသီးဖျော်ရည်တချို့မှာပါတဲ့သကြားပမာဏကcokeတပုံးလောက်နဲ့ညီမျှနေပါတယ်။ ဖျော်ရည်သောက်မယ့်အစားအသီးကိုသာတလံလုံးစားရန်ထောက်ခံကြပါတယ်။အသီးတလုံးကသင့်ကိုဗိုက်ပြည့်စေသလိုချိုတဲ့အရသာနဲ့စိတ်ကျေနပ်အောင်လုပ်ပေးနိုင်ပါတယ်။ဖျော်ရည်ဖျော်မယ်ဆိုရင်အသီးလဲပိုလိုပါတယ်။ ၂။မုန့်အချောင်း အာဟာရတွေပြည့်ဝပေမယ့်လဲတချို့မုန့်ချောင်းတွေမှာသကြားပါဝင်မှုအရမ်းများပါတယ်။အာဟာရအချက်အလက်များအရလူကြိုက်များတဲ့မုန့်ချောင်းတွေမှာတခုကို၁၅ကနေ၃၀ဂရမ်အထိသကြားပါပါတယ်။တဖက်မှာတော့သေချာရွေးပြီးစားမယ်ဆိုရင်တော့မုန့်ချောင်းတွေကအဆာပြေသလိုအာဟာရတွေအများအပြားပါလို့အလွန်အကျွံလဲမစားမိစေပါဘူး။ပြည့်စုံတဲ့မုန့်ချောင်းတချောင်းတွင်အမျှင်ဓာတ်၃ဂရမ်၊ပရိုတင်း၅ဂရမ်နဲ့သကြားက၁၀ဂရမ်ထက်နည်းပါတယ်။ ၃။ဆူရှီ ဆူရှိီကိုယ်တိုင်ကတော့အန္တရာယ်မရှိပါဘူး။ဒါပေမယ့်ဆူရှီထဲထည့်တဲ့အမျိုးမျိုးသောပါဝင်ပစ္စည်းတွေကအဓိကပြဿနာပါ။ယနေ့ခေတ်မှာဆိုရင်ခရင်ချိစ်၊မရောနိစ်၊ဆော့စ်နဲ့ဆူရှီရဲ့အာဟာရပါဝင်မှုနှုန်းများအောင်ထည့်ထားတဲ့အရာတွေအပြင်နေ့စဉ်ကယ်လိုရီလိုအပ်ချက်ကိုပြည့်အောင်ထည့်ထားတဲ့အရာတွေပါဝင်နေလို့ပါ။ဒီလိုအလေးချိန်ပြဿနာတွေမဖြစ်အောင်လို့ရိုးရှင်းတဲ့ဆော်လမွန်ငါးထည့်တာဖြစ်ဖြစ်ငါးအသားလွှာနဲ့စားတာဖြစ်ဖြစ်လုပ်ပါ။ ၄။မွေးမြူရေးငါး အခုပြဿနာကလဲဆူရှီနဲ့အတူတူပါပဲ။ငါးမှာကတော့အိုမီဂါ၃မြင့်မားစွာပါဝင်လို့နှလုံးရောဂါနဲ့နှလုံးဖောက်ခြင်းတွေကိုလျော့ကျစေပါတယ်။ဒါပေမယ့်အဲဒါတွေကငါးဘာစားလဲဆိုတာပေါ်မှာမူတည်ပြီးပါတာပါ။ကံမကောင်းစွာဖြင့်စူပါမားကတ်မှာဝယ်တဲ့ငါးတွေကသမုဒ္ဒရာကလာတာမဟုတ်ပဲမွေးမြူရေးခြံကလာတာပါ။ဒါကြောင့်ကျန်းမာတဲ့အာဟာရတွေကိုလျော့စေတဲ့အပြင်သူတို့ကိုမြန်မြန်ကြီးအောင်ကျွေးတဲ့ဓာတုပစ္စည်းတွေပါပါဝင်နေတာပါပဲ။ သင့်မြို့ကလတ်ဆတ်တဲ့ငါးတွေရနိုင်တဲ့နေရာကိုရှာပြီးထုတ်ပိုးထားတဲ့ဆူရှီထဲမှာပါတဲ့ငါးကဘယ်ကရလဲဆိုတာလဲမေးဖို့တွေဝေမနေပါနဲ့။ ၅။အဆီမပါတဲ့အစားအစာ ပြီးခဲ့တဲ့ရာစုနှစ်တွေကအဆီမပါတဲ့အစားအသောက်တွေပေါ်ခဲ့ပါတယ်။ထုတ်လုပ်သူတွေကျန်းမာစေတဲ့အဆီတွေကိုထုတ်ကုန်ပိုခံစေတဲ့သကြားတွေနဲ့အစားထိုးထားတယ်ဆိုတာအာဟာရပညာရှင်တွေမသိခင်အထိပေါ့။ဒါကြောင့်ကျန်းမာတယ်လို့ထင်ရတဲ့မုန့်ကိုစားမယ့်အစားပုံမှန်သကြားကိုသာစားလိုက်ပါတော့။အခုဆိုရင်ကျွမ်းကျင်သူတွေကဒိန်ခဲနဲ့ဂရိ်ဒိန်ချဉ်ကဲ့သို့အသင့်စားသကြားတွေမပါဘဲသဘာဝကျန်းမာစေတဲ့အဆီတွေပါတဲ့နေ့စဉ်အစားအသောက်တွေစားဖို့ထောက်ခံကြပါတယ်။ ၆။ကောက်ပဲသီးနှံများ ကျန်းမာပြီးအာဟာရပြည့်တဲ့မနက်စာအတွက်ကောက်ပဲသီးနှံတွေကအကောင်းဆုံးလို့စဉ်းစားကြပါတယ်၊ဒါပေမယ့်သီးနှံအားလုံးကအကျိုးတွေမတူကြပါဘူး။သူတို့အများစုကပြန်ပြင်ထားတဲ့အစေ့အဆံတွေနဲ့လုပ်တာပါ။ဒီလိုလုပ်နေတဲ့အချိန်မှာသင့်ကိုဗိုက်ပြည့်စေတဲ့အမျှင်ဓာတ်နဲ့တခြားအာဟာရဓာတ်တွေကိုကောက်ပဲသီးနှံကဆုံးရှံူးလိုက်ရပါပြီ။ကောက်ပဲသီးနှံမှာထည့်ထားတဲ့သကြားတွေကအရသာပိုကောင်းဖို့နဲ့ကလေးတွေကိုပိုဆွဲဆောင်မှုရှိစေဖို့လုပ်ထားတာပါ။ သကြားပါဝင်မှုများလာတာနဲ့ဆီးချို၊နှလုံးရောဂါနဲ့အဝလွန်ခြင်းတွေပိုများလာတာပါပဲ။ကောက်ပဲသီးနှံအစားခယထမင်းအပြည့်စားတာကမှသင့်ကိူစွမ်းအင်ပြည့်စေဖို့အမျှင်ဓာတ်အပြည့်အဝရစေမှာပါ။ ၇။ပေါင်မုန့်အဖြူ ပေါင်မုန့်ဖြူဆိုတာကကျန်းမာတဲ့အာဟာရနဲ့အမျှင်တွေမပါတဲ့ဂျုံနဲ့ပြန်လုပ်ထားတာပါ။အမျှင်ဓာတ်ကအလေးချိန်ထိန်းပေးခြင်း၊သွေးဖိအားကောင်းခြင်း၊ဆီးချိုအန္တရာယ်လျော့ခြင်းနဲ့နှလုံးသွေးကြောနဲ့ဆိုင်တဲ့ရောဂါတွေအတွက်ကောင်းပါတယ်။အဲဒါမပါတဲ့ပေါင်မုန့်ဖြူဖြစ်တဲ့အတွက်ဒီပြဿနာတွေကိုရင်ဆိုင်ရတော့မှာပါ။ …
