တစ်ဦးတည်းဈေးဝယ်ထွက်ရသည်ကို မကြိုက်သည့် အမျိုးသမီးများ အချိန်ပိုင်းရည်းစား ငှားနိုင်

တရုတ်ရှိ ဈေးဝယ်စင်တာအချို့ သည် အမျိုးသမီးဖောက်သည် များများ လာစေရန် နည်းသစ် ထွင်ထားသည်။ ယင်းမှာ ဈေးဝယ်ထွက်ရာတွင် အဖော် လိုက်ပေးမည့် အမျိုးသားငယ်ငယ်ချော ချောများကို အလွန်သင့်တင့်သည့် ဈေး နှုန်းဖြင့် ငှားရမ်းပေးခြင်းပင်ဖြစ်လေသည်။

စတင်လိုက်သည့် အ ရောင်းမြှင့်တင်ရေးအစီအစဉ်သည် အား ပေးသူများလွန်းလှသဖြင့် တစ်နှစ်ပတ်လုံး ကြာသည့် ပုံမှန်အရောင်းမြှင့်တင်ရေးအစီအစဉ်ဖြစ်သွားတော့သည်။ ဟီဘီ သို့ မဟုတ် ဖိုရှန်ဆိုသော တရုတ်မြို့များရှိ ဈေးဝယ်စင်တာကြီးများတွင် အမျိုးသား ငယ်ငယ်ချောချောများကို အရုပ်ဘူး သဏ္ဌာန်မှန်ပေါင်ကြီးများထဲ၌ တွေ့နိုင် သည်။ ဈေးဝယ်ထွက်ရာတွင် အဖော်လို သည့် မိန်းကလေးများသည် ယင်းအမျိုး သားများကို တစ်နာရီ ဒေါ်လာ ၀ ဒသမ ၁၅ ဆင့်မှ ဒေါ်လာ ၀ ဒသမ ၃၀ ဆင့်ဆို သည့် ဈေးနှုန်းများဖြင့် ငှားရမ်းနိုင်သည်။

ထိုအလုပ်လုပ်သည့် အမျိုးသားအများ စုမှာ အချိန်ပိုင်းအလုပ်လုပ်ကာ ဝင်ငွေရှာ ကြသည့် တက္ကသိုလ်ကျောင်းသားများဖြစ် ကြသည်။ အဆိုပါ ယောက်ျားလေးများ သည် မိန်းကလေးများကို အဖော်သက် သက်အဖြစ်သာလိုက်ပေးခြင်းမဟုတ်ဘဲ မည်သည့်အဝတ်အထည်၊ အသုံးအ ဆောင်ဒီဇိုင်းက ဈေးဝယ်မိန်းကလေးနှင့် လိုက်၊ မလိုက်ကိုလည်း အကြံပေးကာ အ ထုပ်များလည်း ဆွဲပေးပြီး စကားစမြည် လည်းပြောပေးသည့်အပြင် ဈေးဝယ်စင် တာရှိ စားသောက်ဆိုင်တွင်လည်း အတူ စားသောက်ပေးသည်။ သို့သော် ဈေးဝယ် မိန်းကလေးကို ထိတွေ့ကိုင်တွယ်ခြင်းမျိုး လုံးဝမလုပ်ပေ။