ဥရောပမှာ ကိုရိုနာဗိုင်းရပ်စ်ကူးစက်ခံရမှု အမြင့်ဆုံးနိုင်ငံတနိုင်ငံထဲ ပါဝင်နေတဲ့ ပြင်သစ်နိုင်ငံက ဆေးရုံတွေမှာ ဗိုင်းရပ်စ်ကြောင့် သေဆုံးသူဦးရေဟာ ဧပြီ ၂၅ ရက်ထိ ၂၂၀၀၀ ကျော်သွားပြီလို့ သိရပါတယ်။

မတ်လ ၁ ရက်နေ့ကစတင်လို့ နိုင်ငံမှာ ဖြစ်ပေါ်ခဲ့တဲ့ ဒီကပ်ဘေးမှာ ဒီနေ့မွန်းတည့်ပိုင်းအထိ ကူးစက်ခံရသူက ၁၅၉,၈၂၈ ဦးနဲ့ သေဆုံးသူက ၂၂,၂၄၅ ဦးရှိပြီလို့ သိရပါတယ်။

ဥရောပမှာ စပိန်နဲ့ အီတလီတို့ ပြီးနောက် ကူးစက်နှုန်းနဲ့ သေဆုံးနှုန်း တတိယအမြင့်ဆုံးဖြစ်နေတာပါ။